சென்னை, ஜன.28:ஷங்கர் இயக்கத்தில் கமல்ஹாசன் – காஜல் அகர்வால் நடிக்கும் இந்தியன்-2 படத்தின் படப்பிடிப்பு விறுவிறுப்பாக நடந்து வரும் நிலையில், முக்கிய காட்சிகளை படமாக்க படக்குழு தைவான் செல்லவிருக்கிறது.

கமல்ஹாசன் நடிப்பில் பிரமாண்ட இயக்குநர் ஷங்கர் இயக்கத்தில் இந்தியன்-2 படத்தின் முதல்கட்ட படப்பிடிப்பு விறுவிறுப்பாக சென்னையில் நடந்து வருகிறது. படத்தின் ஒரு முக்கிய கதாபாத்திரத்தில் சித்தார்த் நடிக்க இருக்கிறார். கமல்ஹாசனின் மகனாக சித்தார்த் நடிக்க உள்ளார் என்று கூறப்படுகிறது. இந்தியன் முதல் பாகத்தில் சேனாதிபதி, சந்துரு என இரண்டு கதாபாத்திரங்களில் கமல்ஹாசன் நடித்த நிலையில், சந்துரு கதாபாத்திரத்தின் மகனாக சித்தார்த் வருவதாக கூறுகிறார்கள்.

காஜல் அகர்வால் முக்கிய வேடத்தில் நடிக்கிறார். நெடுமுடி வேணு, டெல்லி கணேஷ் உள்ளிட்ட மூத்த நடிகர்களும் படக்குழுவில் இணைந்திருக்கிறார்கள். அபிஷேக் பச்சன் வில்லனாக நடிக்க ஒப்பந்தமாகி இருப்பதாக கூறப்படுகிறது.

அனிருத் இசையமைக்கும் இந்த படத்தை லைகா நிறுவனம் பிரமாண்டமாக தயாரித்து வருகிறது. அடுத்தகட்ட படப்பிடிப்பு உலகின் 8 நாடுகளில் நடைபெறவுள்ள நிலையில், முக்கிய காட்சிகளுக்காக படக்குழுவிரைவில் தைவான் செல்லவிருக்கிறது.