லக்னோ, ஏப்.19: உத்தரப்பிரதேச மாநிலத்தில் தவறுதலாக பிஜேபிக்கு வாக்களித்ததால், ஆத்திரமடைந்த இளைஞர் தனது விரலை தானே துண்டித்துக் கொண்டார்.

புலஷந்தர் மக்களவைத் தொகுதிக்கு உள்பட்ட ஷிகர்பூர் பகுதையைச் சேர்ந்தவர் பவன்குமார் (வயது 25). பகுஜன் சமாஜ் கட்சியின் தொண்டரான இவர், தேர்தலில் கூட்டணிக் கட்சி வேட்பாளரான யோகேஷ் வர்மாவுக்கு வாக்களிக்க திட்டமிட்டிருந்தார்.

ஆனால், வாக்குச்சாவடியில் பிஜேபி வேட்பாளர் போலா சிங்கிற்கு ஆதரவாக தாமரை சின்னத்தில் தவறுதலாக வாக்களித்துவிட்டார்.

தனது செயலால் வருத்தமடைந்த பவன்குமார், வீட்டுக்கு வந்து தனது விரலை தானே துண்டித்துக் கொண்டார். இதுதொடர்பான வீடியோவை சமூக வலைதளங்களில் அவர் வெளியிட்டதும், அது வைரலானது.