தெறி மற்றும் மெர்சல் ஆகிய படங்களைத் தொடர்ந்து விஜய் தனது 63-வது படத்தில் பிஸியாக நடித்து வருகிறார். இப்படத்திற்கு, இன்னும் டைட்டில் வைக்கப்படாத நிலையில், தளபதி 63 என்று தற்காலிகமாக கூறி வருகின்றனர்.

கால்பந்தை மையமாக வைத்து உருவாகி வரும் இப்படம் தீபாவளி பண்டிகையை முன்னிட்டு திரைக்கு வரவுள்ளது என்பது குறிப்பிடத்தக்கது.  இப்படத்தைத் தொடர்ந்து தளபதி64 படம் தொடர்பான அறிவிப்பு தொடர்ந்து வெளியாகி வருகிறது.

அதன்படி, இப்படத்தை இயக்குனர் லோகேஷ் கனகராஜ் இயக்கப்போவதாக தகவல் வெளியானது.
இதையடுத்து, கனா படத்தை இயக்கிய அருண் ராஜா காமராஜாவும் விஜய்யிடம் மீனவர் தொடர்பான கதையை சொல்லியிருப்பதாக கூறப்படுகிறது.

இந்தக் கதை விஜய்க்கு பிடித்துப் போக, ஒரே நேரத்தில் இரு இயக்குனர்களின் படங்களிலும் விஜய் நடிப்பாரா? இல்லை ஒருவருக்கு மட்டும் ஓகே சொல்வாரா என்ற எதிர்பாப்பு ஏற்பட்டுள்ளது. இந்த வரிசையில், ஷங்கர், மோகன் ராஜா, வெற்றிமாறன் என்று பெரிய பெரிய இயக்குனர்களிடம் கதை கேட்டு வருகிறார் என்பது குறிப்பிடத்தக்கது,