சென்னை, மே 16: வேட்டவலம் அம்மன் கோயில் அடுத்த ஜமீன் பங்களா அருகே உள்ள குப்பை தொட்டியில் ரூ. 5 கோடி மதிப்பிலான மரகதலிங்கம் சிலை அனாதையாக கிடந்த சம்பவம் பெரும் பரபரப்பை ஏற்படுத்தியுள்ளது.

திருவண்ணாமலை மாவட்டம் வேட்டவலம் ஜமீன் பங்களாவில் அமைந்துள்ளது மனோன்மணி அம்மன் கோயில். இந்த கோயிலில் கடந்த 2017ம் ஆண்டு பல கோடி மதிப்பிலான சிலை, நகைகள் திருடு போயின.

கோயிலில் இருந்த ரூ. 5 கோடி மதிப்பிலான மரகத லிங்கம் அம்மனுக்கு அணிவிக்கப்படும் வெள்ளி கிரீடம், தங்க தாலி, தங்க ஒட்டியாணம் உள்ளிட்ட நகைகள் திருபோயின/  இது குறித்து வேட்டவலம் போலீஸார் வழக்கு பதிவு செய்து விசாரித்தனர்.

அதன் பின்னர் இந்த வழக்கு சிலை கடத்தல் தடுப்பு பிரிவு பொன் மாணிக்கவேல் வசம் வந்தது. கடந்த 10 நாட்களாக தனிப்படை அமைத்து வேட்டவலம் கிராமத்தில் முகாமிட்டனர்.

விசாரணை தீவிரமான நிலையில் நேற்று ஜமீன் பங்களா அருகே உள்ள குப்பை தொட்டியில் திருடு போன ரூ 5 கோடி மதிப்பிலான மரகத லிங்கம் அனாதையாக கிடப்பதாக போலீஸாருக்கு தகவல் கிடைத்தது.

உடனடியாக பொன் மாணிக்கவேல் போலீஸாருடன் சென்று மரகத லிங்கத்தை மீட்டனர். யார் திருடியது என போலீஸார் விசரணையை தீவிரப்படுத்தி உள்ளனர்.