உயர்ஜாதி பிரிவினருக்கு 10 சதவிகிதம் ஒதுக்கீடு செய்யும் பிரச்சனைசட்டசபையில் துணை முதல்வர் ஓ.பன்னீர் செல்வம் தகவல்

அரசியல் சென்னை தமிழ்நாடு முக்கிய செய்தி

சென்னை, ஜூலை 9: உயர்ஜாதியினருக்கு 10 சதவிகிதி இட ஒதுக்கீடு அளிக்க வேண்டும் என்ற மத்திய அரசின் உத்தரவை பின்தங்கிய மக்களுக்கான இட ஒதுக்கீடு பாதிக்காதவாறு செயல்படுத்தப்படும் என்று துணை முதல்வர் ஓ.பன்னீர் செல்வம் சட்டசபையில் தெரிவித்தார்.

சட்டசபையில் கவன ஈர்ப்பு தீர்மானத்தின் மீது எதிர்கட்சி தலைவர் துரைமுருகன் பேசுகையில்: 10 சதவீத உயர் ஜாதியினருக்கு இடஓதுக்கீடு தொடர்பாக அனைத்து கட்சி கூட்டம் நேற்று நடைபெற்றதாக அறிந்தேன். இந்த கூட்டத்தில் எடுக்க முடிவுகள் பற்றி இந்த மாமன்றத்தில் தெரிவிக்க வேண்டும்.

துணை முதல்வர் : பெருளாதாரத்தில் முன்னேறிய வகுப்பினருக்கு 10 சதவீத இடஓதுக்கீடு தொடர்பாக நேற்று தலைமை செயலகத்தில் ஆலோசனை கூட்டம் நடைபெற்றது. இந்த கூட்டத்தில் சில பல நல்ல கருத்துகளை கட்சிகளின் தலைவர்கள் தெரிவித்தனர்.

மாலை 5 மணிக்கு தொடங்கிய கூட்டம் 9 மணி வரை நடைபெற்றது. இதில் அண்ணா, பெரியார், எம்ஜிஆர், கருணாநிதி, ஜெயலலிதா ஆகியோர் பின்பற்றி திராவிட பரிமாணத்தை தொடர்ந்து, 69 சதவீத இடஒதுக்கீட்டை அரசியல் சாசன 9 சட்ட அட்டவணையில் உறுதி செய்தவர் ஜெயலலிதா.

திராவிட பரிமண வளர்ச்சியின் 69 சதவீத இடஓதுக்கீட்டை வரலாற்றில் உறுதி செய்த ஓரே அரசியல் தலைவரும் ஜெயலலிதா தான்.

அந்த வகையில் 1000 இடங்கள் இந்த இடஓதுக்கீட்டால் மருத்துவபடிப்பில் பாதிக்கப்படுவதாக சுகாதாரதுறை அமைச்சர் அரசின் கவனத்திற்கு கொண்டு வந்தார்.

அதன் அடிப்படையில் தான் அனைத்து கட்சி கூட்டம் நடைபெற்றது. இந்த 10 சதவீத இடஒதுக்கீட்டில் சட்டவல்லுநர்களுடன் கலந்து பேசி பின்தங்கிய வகுப்பினருக்கு பாதிப்பு ஏற்படாத வகையில் அரசு முடிவு எடுக்கும்.

துரைமுருகன்: அனைத்துகட்சி கூட்டம் என்ற பெயரில் சில கட்சிகளுக்கு மட்டுமே அழைப்பு விடுக்கப்பட்டுள்ளது. பல கட்சியினருக்கு அழைப்பு விடுக்கவில்லை. இதில் பாரபட்சம் பார்க்ககூடாது.

துணை முதல்வர்: எதிர்கட்சி தலைவர் ஓரு பட்டியல் கொடுத்த அடிப்படையில் தான் சில கட்சிகளை அழைத்தோம். இதில் பாரபட்சம் எதுவும் பார்க்க வில்லை, எதிர்வரும் காலங்களில் இது போன்று நடைபெறாது.

எதிர்க்கட்சித் தலைவர் மு க ஸ்டாலின் , நான் அனைத்து கட்சிகளையும் அழைக்க கூறவில்லை 69 சதவீத இட ஒதுக்கீடு ஜெயலலிதா அறிவித்த போது திராவிட இயக்கத் தலைவர் வீரமணி அவருக்கு விருது வழங்கினார்.

எனவே அவரை அழைப்பது பொருத்தமாக இருக்கும் என எண்ணத்தில் தெரிவித்தேன் ஆனால் நீங்கள் அனைத்து கட்சியையும் அழைத்தீர்கள்.. அதை நான் தவறு கூறவில்லை ஆனால் இன்னும் சட்டமன்றத்தில் நாடாளுமன்ற உறுப்பினராக உள்ள கட்சிகளை ஏன் அழைக்கவில்லை , உங்களுக்கு ஆதரவான கட்சிகளை அழைத்தீர்கள்.

நான் முதலில் முதலமைச்சர் ஏன் அந்த கூட்டத்திற்கு வரவில்லை என்றுதான் முதலில் கேள்வி எழுப்பியிருக்க வேண்டும் என்றார்.

அதற்கு பதிலளித்த முதலமைச்சர் நாங்கள் கடிதம் கொடுக்கும் போது துணை முதலமைச்சர் ஓ பன்னீர்செல்வம் தலைமையில் கூட்டம் நடைபெறும் என தெளிவாக கடிதம் கொடுத்து இருந்தேன்..இதற்கு முன்னரும் பல கூட்டங்கள் அவர் தலைமையில் நடைபெற்ற உள்ளதை நான் நினைவுபடுத்த விரும்புகிறேன் என்று பதிலளித்தார்…

மு.க.ஸ்டாலின் : மக்களால் தேர்ந்தெடுக்கப்பட்ட ஐ.ஜே.கே மற்றும் மனித நேய மக்கள் கட்சி போன்ற கட்சிகளை ஏன் அழைக்கவில்லை என்றார்.

இதற்கு பதில் அளித்த முதலமைச்சர் : அப்படி கூப்பிட வேண்டும் என்றால் 80 கட்சிகளை கூப்பிட்டு ஒரு நாள் முழுவதும் விவாதம் நடைபெற்ற இருக்கக்கூடும் என்றார்.

சில கட்சிகள் தாழ்த்தப்பட்ட மக்களை பிரதிநிதிப்படுத்தும் வகையில் இருப்பதால் அவர்களின் கருத்துகளும் இந்த விவகாரத்தில் சரியாக இருக்கும் என நினைத்து கூப்பிட்டோம் என்றார்.

‘அப்போது குறிக்கிட்ட துணை முதலமைச்சர் ஓ பன்னீர்செல்வம் , எதிர்காலத்தில் இதுபோல் விஷயங்கள் நடைபெறாமல் பார்த்துக் கொள்ளப்படும் என பதிலளித்தார்.